Chaliye, ab aate hain story par! 😁

Zyada bore nahi karungi guys, bina kisi bakwaas ke seedha story start karte hain. 😂❤️

But please like aur comment zaroor karna, warna mujhe kaise pata chalega ki aap sabko story pasand aa rahi hai ya nahi? 😭😂

Mujhe bhi thoda excitement feel hona chahiye na! Tabhi toh main aap sabke liye aur bhi exciting parts laungi. 👀✨

So… support karte rehna guys! 😁❤️

College Campus

Jaise hi woh ladka—jo koi aur nahi, Tarun tha—Mukti ki taraf badha, Mukti ek inch bhi peeche nahi hati.

Woh abhi bhi gusse se usse ghur rahi thi. 😡

Tarun abhi Mukti ko haath lagane hi wala tha ki tabhi kisi ne uska haath beech mein hi pakad liya.

Tarun ne pehle ek nazar apne pakde hue haath par daali…

Aur phir dheere se apni nazrein saamne uthayi.

Uske saamne Adishree khadi thi.

Ye dekhte hi wahan maujood baaki sabki nazrein bhi seedha Adishree par tik gayi.

Tarun ne gusse mein uski taraf dekhte hue kaha—

"How dare you? Tumhari himmat kaise hui mera haath pakadne ki? Haath chhodo mera! Warna tumhare liye aur tumhari is friend ke liye bhi bilkul achha nahi hoga."

Tarun ne use dhamkane ki poori koshish ki…

Lekin Adishree?

Woh bilkul calm thi. 😶

Na uske chehre par darr tha, na koi nervousness.

Bas woh kuch seconds tak silently Tarun ko dekhti rahi.

Phir bina kuch kahe…

Adishree ne uska haath chhod diya.

Tarun ke lips ke corner par side smirk aa gaya.

Usse laga Adishree darr gayi hai. 😏

Woh dobara Mukti ki taraf badhne laga…

Lekin agle hi second—

Adishree ek baar phir seedha uske saamne aakar khadi ho gayi.

Tarun ruk gaya.

Uske face par clearly likha tha—

"Seriously? Ye ladki phir aa gayi?" 😑

Aur Adishree?

Woh ab bhi bilkul shaant khadi thi…

Jaise Tarun ki dhamkiyon ka uspar koi effect hi nahi hua ho. 👀🔥

“Tumhe ek baar mein baat samajh nahi aati kya?” 😠

Is baar Tarun ne clearly irritate hote hue kaha. Adishree ka baar-baar uske beech mein aana usse bilkul pasand nahi aa raha tha.

Phir usne achanak Adishree ko uper se neeche tak scan kiya aur uske face par ek creepy si smile aa gayi.

“Ohh… ab samjha!” 😏

Tarun ne thoda paas aate hue kaha—

“Tumhe problem ho rahi hai… woh bhi isliye kyunki tum par koi attention nahi de raha, aur tumhari friend par de raha hai?”

Uski smile aur badi ho gayi.

“Koi baat nahi… pehle tumse hi mil lete hain. Phir tumhari friend ka number bhi aa jayega.”

Tarun ne ek disgusting si smile ki.

Bas uski baat sunte hi Mukti ka gussa literally peak level par pahunch gaya. 😤🔥

Woh turant Adishree ke aage aayi aur use apne peeche karte hue Tarun ko ghurne lagi.

“Oye, chhuchhundar ki poonch!” 😡

Mukti ne haath ki muthhi banate hue kaha—

“Shakal dekhi hai apni? Bada aaya attention dene wala!”

Woh ek second ke liye usse uper se neeche dekhte hue boli—

“Tujhe toh khud kisi ke attention ki zarurat hai. Shakal kisi chor se kam nahi hai aur attitude dekho janab ka!” 🙄

Phir usne Tarun ke saamne apna punch dikhaya.

“Aur haan… meri friend ko haath lagane ki bhi Sochi na, toh ek punch mein tera attitude seedha zameen par aa jayega. Samjha?” 👊🏻🔥

Mukti ka confidence dekhkar aas-paas khade students bhi ek-doosre ko dekhne lage.

Tarun ka face ab completely change ho chuka tha.

Uska patience officially over ho gaya tha. 😡

Ye ladki jab se college mein aayi thi, tab se ek ke baad ek sabki beizzati kiye ja rahi thi.

Aur sabse shocking baat?

Aaj tak kisi mein itni himmat nahi hui thi ki Tarun ke saamne khade hokar usse is tarah suna sake.

Lekin ye ladki?

Full fearless mode mein thi. 😭🔥

Thodi door ek ladka apni bike par baitha ye poora scene enjoy kar raha tha. 😏

Woh unke group ka part nahi tha.

Actually, woh toh bas unhe kuch samjhane ke liye wahan se aa raha tha, lekin yahan ka drama dekhkar ruk gaya.

Uska apna group completely alag tha—total chaar log.

Aur honestly, usse ye unnecessary college ke lafde bilkul pasand nahi the.

College mein har kisi ki apni problems thi, apna attitude tha aur apni story thi.

Lekin uski baat alag thi.

Agar woh khud kisi matter mein seriously involve ho jaye…

toh poore college mein kisi ki himmat nahi thi ki usse rok sake.

Aur waise bhi…

Is college mein sabse zyada jiski chalti thi, woh abhi tak college aaya hi nahi tha.

Isliye filhaal woh ladka bike par baitha hua bas poora scene silently enjoy kar raha tha. 😏

Uski aankhon mein clearly ek hi expression tha—

“Okay… ye toh interesting ho raha hai.” 👀🔥

“Haan toh kya kar loge tum, baby ke baba?” 😏

Mukti ne Tarun ko tease karte hue kaha, jaise uski dhamkiyon se usse zara bhi farq nahi pad raha ho.

Tarun ka patience already last limit par tha.

“Tum aise nahi maanogi…” 😡

Usne itna hi kaha aur suddenly usne Mukti ko zor se push kar diya.

Mukti bilkul prepared nahi thi.

Balance bigda aur woh seedha zameen par ja giri.

Uske knees par chot lagi aur haath mein bhi lag gaya.

Ek second ke liye woh shock mein reh gayi.

Aur usse bhi zyada irritating tha Tarun ke group ka reaction.

Wahan khade kuch log Mukti ko dekhkar hasne lage. 😒

Wahi bike par baitha woh ladka…

Uski aankhon mein ek pal ke liye kuch change hua.

Jaise usse Mukti ka girna bilkul achha nahi laga ho.

Lekin phir bhi…

Usne uski help nahi ki.

Shayad woh bas situation ko observe karna chahta tha.

Tabhi—

“Mukti! Tu theek hai?”

Aadishri turant bhaag kar uske paas pahunchi.

Usne Mukti ko sambhalte hue khada kiya aur uske haath aur knees ko check karne lagi.

“Dikha… oh God! Itni chot lag gayi tujhe!” 😟

Mukti ne kuch nahi kaha.

Bas gusse mein Tarun aur uske group ko ghurti rahi. 😡

Tabhi Tina ne uski condition dekhkar ek smug smile ke saath kaha—

“Toh… kaisa laga?” 😏

Woh arms cross karte hue boli—

“Kaha tha na, humse panga mat lena. Warna tumhare liye bilkul achha nahi hoga.”

Mukti ne Tina ko aisi look di jaise bas ek second aur…

Aur uska patience bhi officially khatam. 😤

Lekin Adishree ka pura focus sirf Mukti ki injury par tha.

Woh quietly apna handkerchief nikaal kar uske haath ki chot ko carefully clean karne lagi.

Tabhi Tina ne irritated tone mein kaha—

“Ohh hello! Ye drama band karo.”

Phir usne un sabki taraf dekhte hue warning di—

“Aur haan, ek baat yaad rakhna… aaj tumhe task complete karna hi hoga. Agar tumne task complete nahi kiya toh—”

Tina apni baat complete karti, usse pehle hi ek calm voice ne use rok diya.

“Toh?”

Sabki nazrein Adishree par chali gayi.

Adishree ab seedha Tina ko dekh rahi thi.

Uski voice surprisingly normal thi.

Bilkul calm.

Lekin uske words mein ek ajeeb sa confidence tha.

“Toh kya kar lengi aap?”

Adishree ne halki si eyebrow raise ki.

“Main bhi toh dekhun… aap log kya karte hain?” 😶

Uska tone loud nahi tha.

Na woh chillayi.

Na hi usne koi unnecessary attitude dikhaya.

But somehow…

Uski calmness hi sabse zyada intimidating lag rahi thi.

Koi Adishree ko kuch keh deta, toh shayad woh ek baar tolerate bhi kar leti.

Lekin Mukti ko hurt karna?

That was something she wasn't going to let slide.

Tarun ne Adishree ko  dekhte hue cold smile ki.

“Toh phir tumhara aisa haal karenge ki tum apna face kisi ko dikhane layak bhi nahi rahogi.”

Tarun ki baat sunte hi Adishree ki fingers dheere-dheere tight ho gayi.

Usne ek deep breath li…

Apne gusse ko control kiya…

Aur phir saamne khade Tarun aur uske group ki taraf dekha.

Uske face par ab bhi calmness thi…

Lekin aankhon mein clearly warning thi.

Jaise woh silently keh rahi ho—

“Ab tum logon ne galat person ko provoke kar diya hai.” 🔥

“Dekhiye! Mujhe yahan kisi bhi tarah ka tamasha nahi chahiye.”

Adishree ne calmly, but firmly, sabki taraf dekhte hue kaha.

“So please, humara raasta chhodiye aur humein jaane dijiye. Kyunki aap logon ne jo kaha hai… na main woh karne wali hoon, na meri friend.”

Uski voice bilkul composed thi.

Clearly, Adishree ka zero intention tha ki woh unki kisi bhi stupid demand ko follow na kare. 😐

Tarun ne uski baat sunte hi ek cold smile di.

“Ohh… toh tum nahi karogi?”

Woh ek step uski taraf badha.

“Theek hai… phir dekho, tumhare saath main kya karta hoon.” 😏

Itna kehkar Tarun ne achanak Adishree ki taraf apna haath badhaya.

Woh use touch bhi kar pata—

Tabhi ek heavy, commanding voice poore campus mein gunji.

“Kya ho raha hai yahan?”

Bas itna sunte hi…

Jaise sabki bolti hi band ho gayi.

Jo jahan tha, wahi freeze ho gaya.

Tarun bhi ruk gaya.

Tina aur baaki students ke expressions instantly change ho gaye..

Aur Adishree?

Woh ekdum apni jagah statue ki tarah jam gayi.

Uski back uss person ki taraf thi.

Woh abhi usse dekh bhi nahi paayi thi…

Lekin pata nahi kyun, uski heartbeat farst ho gai .

Ye koi cute ya romantic feeling nahi thi.

It was fear.

Ek ajeeb sa darr…

Ki kahin jo woh soch rahi hai…

woh sach toh nahi?

Peeche se wahi heavy voice dobara sunai di—

“Maine poocha, yahan kya ho raha hai?”

Kisi ne answer nahi diya.

Usne sabko ek-ek karke dekha aur cold tone mein bola—

“Kya tum logon ke paas classes ki kami ho gayi hai? Ya phir sab chahte ho ki main tumhe proper lesson doon?”

Uske words ke saath hi atmosphere aur tense ho gaya. 😶

Uske saath do aur boys khade the.

Tabhi thodi door bike par baitha hua woh mysterious ladka suddenly khada hua aur seedha naye aaye hue person ki taraf aane  laga.

Uske face par relief jaisa expression tha.

“Kahan reh gaya tha? Main kab se tum logon ka wait kar raha hoon.”

Naye aaye ladke ne uski taraf ek cold glance diya.

Uski blue eyes bilkul emotionless thi.

Phir usne calmly kaha—

“Pehle meri baat ka jawab do, Dhruv.”

Uski voice mein koi extra attitude nahi tha…

Phir bhi saamne wale ko automatically serious kar dene ke liye enough thi.

“Yahan kya ho raha hai?”

Dhruv Agnihotri.

Naam hi kaafi tha.

Dhruv yahin ka doctor tha aur isi medical college se attached hospital mein surgeon tha.

Dhruv ne situation ki taraf dekha, phir Prakhar ko dekhkar halki si awkward smile di.

“Prakhar… dekh, gussa mat hona.”

Usne shoulders shrug karte hue kaha—

“Yahan bas ragging chal rahi hai. Aur tujhe toh pata hi hai… hum usually in sab mein nahi padte.”

Prakhar ne kuch nahi kaha.

Bas ek baar usne saamne khade sabhi students ko dekha…

Phir wapas Dhruv ki taraf dekha.

Uske expression ab bhi completely unreadable thi.

Prakhar Diwan

Sahil Diwan ka beta.

Age around 27.

Aur itni young age mein hi woh ek highly respected cardiac surgeon ban chuka tha.

Sirf hospital mein surgery karna hi nahi…

Woh isi medical college mein apne juniors ko classes bhi deta tha.

Uski knowledge aur skills ka level aisa tha ki medical field mein usse lightly lena almost impossible tha.

Aur college mein?

Uski reputation alag hi level ki thi.

Kehte the, college mein uski permission ke bina ek patta tak nahi hilta.

Prakhar ki personality bhi utni hi striking thi.

Blue eyes, sharp jawline, slightly dusky complexion, around 6'2" height…

Aur face par?

Hamesha ek cold, unreadable expression.

Woh un logon mein se tha jinke face par emotions easily read hi nahi hote.

Uske opposite Dhruv bhi kisi se kam nahi tha.

Dhruv Agnihotri — sharp personality, deep black eyes, fair complexion aur ek naturally confident aura.

Aur Prakhar ke saath khade woh do aur ladke bhi doctors the…

Dono khud surgeons the.

Lekin filhaal sabki attention ek hi person par thi—

Prakhar Diwan.

Aur sabse interesting part?

Adishree abhi bhi uski taraf peeth karke khadi thi…

Jaise woh jaan-boojhkar mudna nahi chahti ho.

Uske mind mein bas ek hi thought repeat ho raha tha—

“Please… ye woh nahi ho sakta.” 👀

Shivam Sharma — good height, fair complexion aur ek naturally attractive personality. 😎

Siddharth Raheja — woh bhi looks aur personality dono mein kisi se kam nahi tha.

In chaaron ka aura hi completely different tha.

Aisa presence jo crowd mein bhi instantly notice ho jaye.

Lekin sabse zyada impact tha Prakhar ka.

Uske saamne usually kisi ki bhi bolne ki himmat nahi hoti thi.

Aur abhi jo seniors Adishree aur Mukti ko unnecessarily परेशान kar rahe the…

Unki toh Prakhar ko dekhte hi sitti-pitti gul ho chuki thi. 😶

Prakhar ne sabki taraf ek cold look diya aur finally bola—

“Jisko jo karna hai kare…”

Woh ek second ke liye ruka.

Phir uski voice aur serious ho gayi.

“But mujhe is college mein kisi bhi type ki… koi bhi matlab, koi bhi indiscipline nahi chahiye.”

Sab bilkul silent khade the.

Prakhar ki nazar ek-ek student par gayi.

“Aur rahi baat ragging ki…”

Uske lips par barely noticeable smirk aaya.

“Toh woh sirf ek simple introduction tak theek hai.”

Phir uski voice suddenly aur cold ho gayi.

“Lekin agar kisi ne bhi ragging ke naam par koi ulta-seedha kaam karne ka socha bhi…”

Woh ek step aage badha.

“Toh mujhe nahi lagta tum logon ko mere baare mein kisi se poochne ki zarurat padegi.”

Usne sabko ek final warning look di.

“Am I right?”

Bas.

Complete silence.

Tarun aur uska poora group literally speechless khada tha.

Jo log thodi der pehle itne overconfident ban rahe the…

Ab unke muh se ek word tak nahi nikal raha tha. 😶

Waise toh ye seniors college mein juniors ko kaafi परेशान karte the.

Lekin Prakhar ke saamne?

Not a chance.

Prakhar ko apne medical college se genuinely bahut attachment tha.

Aur apne profession se toh uska connection aur bhi strong tha.

Isliye apne college ya profession par kisi bhi tarah ka stain woh tolerate nahi kar sakta tha.

Phir usne bilkul cold tone mein kaha—

“Go to your class.”

Bas ye  words sunte hi sab apni-apni classes ki taraf jaane lage.

Sabko pata tha—

Prakhar ka mood kharab ho gaya, toh situation handle karna kisi ke bas ki baat nahi thi.

Tina aur uska group jaate-jaate bhi Adishree aur Mukti ko ghoor raha tha.

Lekin ab koi kuch bolne ki himmat nahi kar raha tha. 😶

Wahi…

Mukti ki nazar achanak Prakhar par jaakar ruk gayi.

Aur phir…

Hattne ka naam hi nahi le rahi thi. 😂

Usne apne cheek par haath rakha aur Prakhar ko dekhte hue mind mein boli—

“Oh God! Mujhe nahi pata tha yahan aana mere liye itna good decision prove hoga.” 😭❤️

Uski nazrein Prakhar se hat hi nahi rahi thi.

“I mean… kya banda hai! Haye…” 😍

Mukti literally pagaloon ki tarah smile karne lagi.

Dhruv ne jab Mukti ki woh full-on-crush wali expression dekhi, toh uski eyebrows instantly raise ho gayi. 😑

Meanwhile, Adishree ne Mukti ko aise smile karte dekha toh woh uske paas jaane ke liye mudi.

Lekin tabhi—

Thud!

Woh kisi student se accidentally takra gayi.

Balance suddenly bigda aur uska pair twist ho gaya.

“Ah—!”

Adishree sambhal bhi nahi paayi aur peeche ki taraf stumble karte hue seedha Prakhar se ja takrayi.

Prakhar bhi completely prepared nahi tha.

Impact ki wajah se woh do steps peeche hua.

Aur instinctively…

Uska haath Adishree ki waist par chala gaya.

Adishree uski bahon mein aa gayi.

Ek second ke liye poora scene freeze ho gaya.

Adishree ke baal uske face par aa gaye the, isliye Prakhar ko uska chehra properly dikh nahi raha tha.

Prakhar jaldi apne sence mein aaya aur ek quick movement ke saath use seedha khada kar diya.

Woh abhi gusse mein kuch bolne hi wala tha—

“Are you—”

Lekin uski nazar jaise hi Adishree ke face par padi…

Uski baat wahi ruk gayi.

Prakhar literally…

freeze.

Uski blue eyes continuosly Adishree par tik gayi.

Na woh kuch bola.

Na hi usne nazar hatayi.

Bas…

ek tak use dekhta raha.

Dhruv, Shivam aur Siddharth ne pehle Prakhar ko dekha…

Phir Adishree ko.

Phir wapas Prakhar ko.

Un teenon ke expressions clearly keh rahe the—

“Wait… what just happened?” 👀

Aur Adishree?

Uski aankhein shock mein badi ho gayi thi.

Uski heart beat bahot hee jyada fast ho gai thi .

Woh bhi Prakhar ko dekhe ja rahi thi…

Jaise dono ek-doosre ko pehchanne ki koshish kar rahe hon.

Aur us moment mein campus ka noise jaise kahin background mein disappear ho gaya.

Bas…

Prakhar aur Adishree.

Ek awkward silence ke beech…

Aur dono ki तेज़ होती धड़कनों के साथ. 👀✨

To be countinue.....

Please like and comment